راولپنڈی (نیٹ نیوز) اڈیالہ جیل کی انتظامیہ نے شدید گرمی کے پیش نظر بانی پی ٹی آئی سمیت دیگر قیدیوں کو اضافی سہولیات فراہم کر دیں۔ بانی پی ٹی آئی اور بشریٰ بی بی کو اْن کے بیرکوں میں روم کولر فراہم کر دیا گیا ہے تاکہ وہ گرمی سے محفوظ رہ سکیں۔ سائفر کیس میں قید شاہ محمود قریشی کو بھی روم کولر مل گیا، دیگر قیدیوں کو بیرکوں میں ٹھنڈا پانی فراہم کر دیا گیا ہے اور مختلف مقامات پر اضافی واٹر کولر نصب کر دئیے گئے ہیں۔