ٹی ٹونٹی ورلڈ کپ : کینیڈا‘عمان ‘نمیبیا کی وارم اپ میچز میں کامیابی  

لاہور(سپورٹس رپورٹر) امریکہ اور ویسٹ انڈیز میں ہونے والے ٹی ٹونٹی ورلڈ کپ کے وارم اپ میچز میںکینیڈ انے نیپال ‘عمان نے پاپوا نیو گنی اور نمیبیا نے یوگینڈا کو شکست دیدی ۔ کینیڈ انے 7وکٹوں پر 183رنز بنائے ۔ نکولس کیرٹن نے 52رنزبنائے ۔ نیپال کی ٹیم 120رنز پر ڈھیر ہوگئی ۔ کشل مالا نے 37رنز بنائے۔ ڈلن ہیلیگر نے چار کھلاڑیوں کو آئوٹ کیا ۔ پاپوا نیو گنی نے 9وکٹوں پر 137رنز بنائے ۔ لیا سیاکا نے 28رنزبنائے ۔ عاقب الیاس نے تین کھلاڑیوں کو آئوٹ کیا ۔ عما ن نے ہدف سات وکٹوں پرپورا کرلیا ۔ ذیشان مقصود نے 45رنز بنائے ۔ یوگینڈا نے 8وکٹوںپر 134رنز بنائے ۔ روجر مکاسا51رنزبنائے ۔ نمیبیا نے ہدف پانچ وکٹوںپرپورا کرلیا ۔ نکولس ڈیون نے 54رنزبنائے۔  امریکہ میں طوفان اور بارش کی وجہ سے میزبان امریکہ اور بنگلہ دیش کی ٹیموں کے درمیان ٹی ٹونٹی ورلڈ کپ کا وارم اپ میچ منسوخ کر دیا گیا۔ میچ کا ٹاس تک نہ ہوسکا ۔