سابق انگلش کپتان مائیکل وان کے بیٹے آرچی وان کا کائونٹی سمر سیٹ سے معاہدہ

لاہور(سپورٹس رپورٹر)انگلینڈ کے سابق کپتان مائیکل وان کے بیٹے آرچی وان نے سمرسیٹ کیساتھ معاہدہ کرلیا۔18 سالہ نوجوان 2020 سے ٹاونٹن میں اکیڈمی کے سیٹ اپ کا حصہ اور ٹاپ آرڈر بیٹر اور آف سپنر کے طور پر کھیلتے ہیں ۔معاہدہ یکم نومبر سے شروع ہوگا اور 2026 ء کے آخر تک چلے گا۔انہوںنے کہا کہ یہ ایک ایسی چیز ہے جس کیلئے میں نے بہت محنت کی ہے اور بچپن سے کوشش کی ہے۔ ایسے کلب کی طرف سے موقع ملنا جہاں گزشتہ چند سال سے واقعی لطف اٹھایا ہو، ایک اعزاز کی بات ہے۔انہوںنے کہا میں زیادہ سے زیادہ تجربہ حاصل کرنے کی کوشش کروں گا اور ڈریسنگ روم میں زیادہ تجربہ کار کھلاڑیوں سے جتنا سیکھ سکتا ہوں سیکھوں گا۔اپنے والد کے نقش قدم پر چلنے کی کوشش کرونگا۔سمرسیٹ کے ڈائریکٹر کرکٹ اینڈی ہیری نے کہا کہ آرچی ایک نوجوان ہے جس کا مستقبل روشن ہے۔اکیڈمی میں شامل ہونے کے بعد سے اس نے ناقابل یقین حد تک محنت کرنے اور اپنے کھیل کے ہر پہلو کو بہتر بنانے کی حقیقی اور مضبوط خواہش کا مظاہرہ کیا ہے۔اس کی شاندار آن فیلڈ پرفارمنس کیساتھ ساتھ یہ محنت دوسری الیون کے مواقع کا باعث بنی جس میں وہ پھلے پھولے ہیں۔