فیروز والہ : ڈاکوؤں نے ناکہ لگا کر شہریوں کو لوٹنے کے بعد کان پکڑوا دیئے

فیروزوالہ( نامہ نگار) ڈاکوؤں نے ناکہ لگا کر شہریوں کو لوٹنے کے بعد کان پکڑوا دیئے۔ نین سکھ کے قریب 6 ڈاکوؤں نے ناکہ لگا کر گزرنے والے شہریوں  رو کر لوٹ مار کرتے رہے جس سے پولیس گشت کے غیر موثر ہونے کی بھی قلعی کھل گئی، لٹنے والوں میں چار نوجوان بھی شامل ہیں جو نائٹ سوئمنگ پول پر نہا کر آرہے 
تھے، ڈاکو راہگیروں کو گن پوائنٹ پر روکتے اور کھیتوں میں لیجا کر لوٹ کر کان پکڑوا دیتے، ڈاکو گھنٹہ بھر راہگیروں کو لوٹتے رہے اور یرغمال بناتے رہے ۔ افراد کو باندھ کر فرار ہوگئے۔ ڈاکو گن پوائنٹ پر شہزاد سے ایک لاکھ 20ہزار روپے نقدی موبائل چھین کر فرار ہو گئے۔ ڈاکو رکشہ سے اترنے والی خاتون نسیم بی بی سے نقدی طلائی زیورات ، چھین کر فرار ہو گئے۔ تھانہ صدر کے علاقے میں کار سوار وائرلیس سیٹ پکڑے مبینہ پولیس اہلکاروں کے حلیہ میں موجود افراد نے بیوپاریوں فضل کریم وغیرہ کو روک کرجامعہ تلاشی کے دوران 18لاکھ روپے ہتھیالئے۔ جب بیورپاری مویشی منڈی سے واپس موٹروئے کی طرف جا رہے تھے، تھانہ فیکٹری ایریا کے علاقہ ٹول پلازہ کے قریب ڈاکو تاجررانا نصیر کو روک کر ساڑھے پانچ لاکھ روپے نقدی چھین کرفرار‘ جلال ٹاؤن کے قریب ڈکیتی کی واردات کے دوران مزاحمت پر ڈاکووں نے گولی مار کر تاجر اقبال کو زخمی کر دیا۔ ڈاکو لوٹ مار کیے بغیر فرار ہو گئے۔مریدکے کے قریب ڈاکو موٹرسائیکل سوار نوشاد اوراسکی اہلیہ کو سے نقدی اور طلائی زیورارت چھین کر فرار ہو گئے۔