شیخوپورہ(نامہ نگارخصوصی) مسلم لیگ (ن) کے رہنما وحلقہ پی پی 143 کے امیدوار سید سجاد حسین بگے شاہ اور میاںشبیر حسین نے کہا ہے کہ 28 مئی تجدید عہد کا دن ہے اس دن سابق وزیر اعظم میاں نواز شریف نے عالمی دباؤ کو بالائے طاق رکھتے ہوئے پاکستان کو عالم اسلام کی پہلی اور دنیا کی ساتویں ایٹمی طاقت بنا دیا جس کے باعث پاکستان کا دفاع ناقابل تسخیر ہوچکا ہے اب کوئی دشمن پاکستان کی طرف سے میلی آنکھ سے بھی نہیں دیکھ سکتا ۔ ان خیالا ت کااظہارانہوں نے وفاقی وزیر صنعت و پیداوار اینڈ فوڈ سکیورٹی رانا تنویر حسین کے کیمپ آفس بتی چوک میںیوم تکبیر کی تقریب کے دوران کیک کاٹنے کے بعد میڈیا سے گفتگو کرتے کیا اس موقع پرسید عون شاہ سمیت دیگربھی موجودتھے۔