یوم تکبیر ہمیں شہید ذوالفقارعلی بھٹو کی یاد دلاتا ہے،شازیہ مری 

اسلام آباد (نمائندہ خصوصی)پاکستان پیپلز پارٹی کی مرکزی ترجمان شازیہ مری نے پیغام میں کہا کہ یوم تکبیر پر بانی نیوکلیئر پروگرام شہید ذوالفقار علی بھٹو میزائل پروگرام کی خالق شہید بینظیر بھٹو کو سلام پیش کرتے ہیں، یوم تکبیر ہمیں شہید ذوالفقارعلی بھٹو کی یاد دلاتا ہے جنہوں نے ہمیں ایٹمی پروگرام دے کر ہمارا دفاع ناقابل تسخیر بنایا، بے نظیر بھٹو شہید نے ملک کو میزائل پروگرام دیا اور انْکی بدولت یہ میزائل پروگرام ملکی دفاع کا مضبوط ہتھیار بنا،شہید ذوالفقار علی بھٹو اور بے نظیر بھٹو شہید نے وطن کے دفاع کو مضبوط بنانے  کیلئے کسی عالمی دباؤ کو خاطر میں نہیں ڈالا، 28 مئی ہمیشہ ہمیں شہید ذوالفقار علی بھٹو اور محترمہ بے نظیر بھٹو کی ملکی دفاع  کیلئے کی گئی خدمات کی یاد دلاتا رہے گا، ہم شہید ذوالفقار علی بھٹو اور محترمہ بے نظیر بھٹو کو سلام پیش کرتے ہیں، پیپلزپارٹی کی قیادت کا یہ احسان قوم کبھی بھی نہیں بھولے گی۔