کراچی کے مختلف علاقوں میں بجلی کی طویل دورانیے کی لوڈشیڈنگ کا سلسلہ جارہی ہے، کچھ علاقوں میں یہ دورانیہ 10 گھنٹے تک پہنچ گیا ہے۔

کے الیکٹرک ترجمان کے مطابق کراچی میں بجلی کی لوڈشیڈنگ کا دورانیہ 10 گھنٹے تک ہے۔

ان کا کہنا ہے کہ جن علاقوں میں بجلی چوری یا بلوں کی ادائیگی نہیں ہوتی وہاں لوڈشیڈنگ ہوتی ہے۔

واضح رہے کہ کراچی کے مختلف علاقوں جن میں غزیزآباد، بلدیہ، بلوچ کالونی، سوک سینٹر، ریلوے کالونی، ایف بی ایریا، گڈاپ، گارڈن، گذری، گلستان جوہر، ملیر، ماڑی پور، میمن گوٹھ، نارتھ کراچی، گلشن معمار، لیاری کے مختلف علاقوں سمیت دیگر میں بجلی کی لوڈشیڈنگ کا دورانیہ 10 گھنٹے تک ہے۔

طویل دورانیے کی لوڈشیڈنگ کے باعث شہریوں کی زندگی اجیرن ہوگئی ہے۔