شیخوپورہ+ جھنگ (نامہ نگارخصوصی + نامہ نگار) شیخوپورہ، اور جھنگ میں 2 لڑکیوں اور ایک کم عمر لڑکے سے زیادتی کی گئی ۔ نواحی گاؤں ساہوکی ملیاں میں دو نوجوانوں نے محنت کش سلیم کے گھر داخل ہوکراس کی بیٹی (ک) سے زیادتی کی۔ تھانہ ہاؤسنگ پولیس نے ملزمان کامران وغیرہ کے خلاف مقدمہ درج کرلیا ہے۔ سلیم نے میڈیا نمائندوں سے گفتگو کرتے ہوئے بتایا کہ ملزمان کا تعلق بااثر خاندان سے ہے۔ علاوہ ازیں لاہورروڈ کی آبادی خاکی سٹاپ میں کم عمر لڑکے کو ایک نوجوان ذوالفقار نے زیادتی کا نشانہ بنا ڈالا۔ علاوہ ازیں جھنگ میں چنڈ بھروانہ کے غلام فرید نے تھانہ مسن پولیس کو بتایا طارق، شاہد اور عمران وغیرہ نے اسکی بھتیجی مسماۃ (پ۔ب) سے مبینہ طور پر زیادتی کی۔