دبئی (این این آئی) پاکستان پیپلز پارٹی کے چیئرمین بلاول بھٹو زرداری کی امریکی اداکارہ پیرس ہلٹن کے ساتھ تصویر سوشل میڈیا پر وائرل ہوگئی۔ دبئی میں پیپلز پارٹی کے چیئرمین بلاول بھٹو زرداری نے امریکی اداکارہ پیرس ہلٹن سے ملاقات کی۔ بلاول بھٹو نے تصویر انسٹاگرام پر شیئر کرکے لکھا کہ انہیں دلکش اور خوبصورت پیرس ہلٹن سے ملاقات کرکے خوشی ہوئی۔ پیرس ہلٹن امریکی اداکارہ اور گلوکارہ کے علاوہ ایک بزنس ویمن بھی ہیں۔ پیرس ہلٹن کے دنیا بھر میں 570 کے قریب ہوٹلز، ریزورٹز اور دیگر جائیدادیں ہیں۔