ساہیوال (نامہ نگار) ملتان سے لاہور جانیوالی موسیٰ پاک ٹرین گینگ مینوں کی حاضر دماغی کے باعث خوفناک حادثہ سے بچ گئی۔ ساہیوال، ہڑپہ کے درمیان اینٹوں سے لوڈ ایک ٹرالی رات اڑھائی بجے پھاٹک کراس کرتے ہوئے ریلوے لائن میں پھنس گئی، اسی دوران موسیٰ پاک ٹرین قریب پہنچ گئی جہاں موجود گینگ مینوں غلام شبیر اور ایوب مسیح نے ڈاﺅن سگنل کو اٹھا دیا۔ اس طرح ٹرین خوفناک حادثہ سے بچ گئی۔ واقعہ کی اطلاع ملتے ہی قریبی آبادیوں کے لوگ اکٹھے ہوگئے جنہوں نے ٹریکٹر ٹرالی کو اَن لوڈ کرکے باہر نکال کر لائن کلیئر کردی اور پونے گھنٹے بعد ریلوے ٹریفک بحال ہوئی۔ پولیس تھانہ ریلوے ساہیوال نے ٹریکٹر ٹرالی ڈرائیور شاہد کیخلاف مقدمہ درج کرلیا۔
ٹرین/بچ گئی