نیشنل سینئرز کرکٹ کپ: گجرات نے گوجرانوالہ کو ہرا دیا

لاہور (نمائندہ سپورٹس)18ویں نیشنل سینئرز کرکٹ کپ کے میچ میں گجرات سینئرز نے گوجرانوالہ سینئرز کو 17 رنز سے ہرادیا۔ ظہور الہٰی اسٹیڈیم گجرات میں کھیلے گئے میچ میں گجرات سینئرز نے پہلے کھیلتے ہوئے مقررہ 30 اوورز میں 5 کھلاڑیوں کے نقصان پر 224 رنز بنائے۔ متین اشرف نے 58، عطاء الرحمن 48، اختر محمود 35 اور صہیب فیصل نے 44 رنز ناٹ آئوٹ بنائے۔ گوجرانوالہ سینئرز کی طرف سے محمد نواز نے 2/36، محمد عرفان 1/25، محمد لطیف 1/35 اورنوید چشتی نے 1/40 وکٹ حاصل کیں۔ جواب میں گوجرانوالہ سینئرز 28.1 اوورز میں تمام کھلاڑیوں کے نقصان پر 207 رنز بناسکی۔