نیشنل یوتھ ویٹ لیفٹنگ چیمپئن شپ، 50کے جی سی حیدر سلطان نے گولڈ میڈ ل جیت لیا

لاہور(سپورٹس رپورٹر+نمائندہ سپورٹس) پاکستان ویٹ لیفٹنگ فیڈریشن کے زیر اہتمام 8 ویں نیشنل یوتھ ویٹ لیفٹنگ چیمپیئن شپ 2017ء شروع ہو گئی۔ پہلے روز 50 اور 56 کلو گرام کلاس کے مقابلے ہوئے جس میں چوہدری امین کلب گوجرانوالہ پہلے روز 29 پوائنٹس کے ساتھ پہلے نمبر پرموجود، چیمپیئن شپ کا افتتاح پاکستان ویٹ لیفٹنگ فیڈریشن کے سی ای او حافظ عمران بٹ نے کیا۔ پہلے روز 50 کلو گرام کلاس میں ہونے والے مقابلوں میں حیدر سلطان نے گولڈ، ابوبکر غنی نے سلور جبکہ رحمان علی نے برانز میڈل جیتا۔ 56 کلو گرام کلاس میں زین خالد نے گولڈ، مہتاب بٹ نے سلور جبکہ سجوال یوسف نے برانز میڈل اپنے نام کیا۔ چیمپیئن شپ میں آج آخری روز بھی مقابلوں کا انعقاد ہوگا۔