لاہور(کلچرل رپورٹر)لاہورآرٹس کونسل الحمرا اور یوتھ آف گلگت بلتستان کے زیراہتمام گلگت بلتستان ڈے کے حوالے سے ایک شان دار میوزیکل اینڈ کلچر نائٹ کا انعقاد الحمراء ہال نمبرIمیں کیا گیا۔ جس میںگلگت بلتستان سے تعلق رکھنے والے آرٹسٹوں نے اپنے فن کا مظاہرہ کیا۔ ان آرٹسٹوں میں جابر خان جابر، خادم حسین، اسلام حبیب، فضل الرحمان ،عبدالغفور، سلمان طارق، مبارک علی کے علاوہ دیگر دوسرے کئی مشہور گلوکار شامل تھے۔ایگزیکٹوڈائریکٹر لاہورآرٹس کونسل الحمراء کیپٹن(ر) عطاء محمدخان نے کہا کہ پروگرام گلگت بلتستان کی ثقافت کو یہاں کی عوام کے سامنے پیش کرنے کی کامیاب کوشش تھی، جسے پذیرا ئی حاصل ہوئی ہے۔