آل پاکستان اوپن ٹینس چیمپئن شپ عقیل خان‘ اوشنا سہیل نے جیت لی

لاہور (سپورٹس رپورٹر+نمائندہ سپورٹس) چوتھا نیزا آل پاکستان اوپن ٹینس چیمپئن شپ عقیل خان اور اوشنا سہیل نے جیت لی۔ عقیل خان نے مسلسل دوسرے فائنل میں مزمل مرتضیٰ کو دو صفر سے شکست دی۔ لیڈیز سنگلز فائنل میں اوشنا سہیل نے سارہ محبوب کو ہرا کر ٹائٹل اپنے نام کیا۔ بوائز انڈر 18 فائنل میں حشیش کمار نے نعلین عباس کو آؤٹ کلاس کرکے ٹائٹل جیت لیا۔ انڈر 14 کا ٹائٹل کے پی کے کے حامد اسرار نے بلال عاصم کو ہرا کر جیت لیا۔ لیڈیز انڈر 14 کے فائنل میں لبیکا دراب نے استفالیہ کو ہرا کر ٹائٹل جیت لیا۔ مینز 45 پلس کا ٹائٹل رشید ملک اور فیاض خان کے نام رہا۔