پرکشش شخصیت کے مالک پاکستانی اداکارفواد خان آج اپنی 38ویں سالگرہ منارہے ہیں

 پرکشش شخصیت ،خوبصورت آواز اور جاندار اداکاری کے ذریعے دنیا بھر میں شہرت پانے والے پاکستانی اداکار فواد خان آج اپنی 38ویں سالگرہ منارہے ہیں ۔
فواد خان کا شمار ایک ایسے اداکار کی حیثیت سے کیا جاتا ہے جنہوں نے اپنے کیریئر کا آغاز گلوکاری کے ساتھ کیا۔ 2003 میں موسیقی کی دنیا میں قدم رکھا اور پھر 2007 میں پاکستانی فلم 'خدا کے لیے' میں اداکاری کے جوہر دکھائے۔2010 میں فواد خان نے اپنے کیریئر کا پہلا ٹی وی سیریل 'داستان' کیا، جسے خوب سراہا گیا ، بعد ازاں 2011 میں انہوں نے ڈرامہ سیریل 'ہمسفر' میں مرکزی کردار اداکیا جس نے ان کے کیریئر کو نئے عروج پر پہنچایا ۔ فواد خان کا ڈرامہ 'ہمسفر' نہ صرف پاکستان میں شہرت کی بلندیوں پر پہنچا بلکہ سرحد پار بھارت میں بھی اسے خوب مقبولیت حاصل ہوئی۔ فواد نے ایک اور سپر ہٹ ڈرامہ 'زندگی گلزار ہے' میں کام کیا جسے خوب پذیرائی ملی ۔