کراچی (اسپورٹس رپورٹر)کراچی بزنس گلڈ کے زیر اہتمام اسلامیہ کلب چیمپیئنز لیگ ٹیبل ٹینس  کے مقابلے اختتامی مراحل میں داخل ہوگئے ہیں۔ پہلے سیمی فائنل میں آرمی سپر اسٹارز نے گراؤنڈ زیرو کو تین ایک سے شکست دی۔ حور فواد کو صائم عدنان کے خلاف شکست ہوئی۔ فیضان ظہور نے بسمہ فریال کو تین صفر سے ہرایا۔ عبید شاہ نے نعمان زارا کے خلاف تین ایک سے کامیابی حاصل کی۔ فیضان ظہور نے صائم عدنان کو تین  ایک سے زیر کیا۔ دوسرے سیمی فائنل میں آرمی پینتھرز نے مارخور سوات اکیڈمی کو دلچسپ مقابلے کے بعد ہراکر فائنل میں جگہ بنائی۔ کیف ریاض نے ثمن فواد کو تین صفر سے آؤٹ کلاس کیا۔ حائقہ حسن کو شاہ خان کے خلاف شکست ہوئی۔ آحل شاہ نے عثمان خان کو تین صفر سے ہرایا۔ کیف ریاض  کو شاہ خان کے خلاف تین صفر سے ناکامی ہوئی۔ حائیقہ حسن نے ثمن فواد کو سنسنی خیرز میچ میں تین دو ست گیمز  سے ہراکر کامیابی حاصل کی۔ٹورنامنٹ ڈائریکٹر فواد رحمن کے مطابق چار روزہ ایونٹ کا فائنل آرمی پینتھرز اور آرمی سپر اسٹارز کے درمیان کھیلا جائے گا۔ جس کے مہمان خصوصی کمشنر کراچی اقبال میمن ہوں گے