لاہور(سپورٹس رپورٹر) بھارت میں جاری جونیئر ہاکی ورلڈ کپ میں ارجنٹائن نے پاکستان کوتین کے مقابلے میں چار گول سے شکست دے کرکوارٹرفائنل دوڑ سے باہر کر دیا ۔ پاکستان کی طرف سے رانا‘رضوان اور عقیل نے ایک ایک گول کیا ۔ ارجنٹائن کی طرف سے کپیورو‘نارڈوئلو ‘روئز اور ابرارا نے ایک ایک گول کیا ۔ آئندہ میچ میں پاکستان ایونٹ رینکنگ کیلئے امریکہ کے مدمقابل ہوگا۔پاکستان اورامریکہ کا میچ30 نومبر بمطابق پاکستان ٹائم 1:00 بجے دن ہوگاایف آئی ایچ میگا ایونٹ کا کواٹر فائینلز لائن اپ مکمل‘بیلجیئم، بھارت،جرمنی،سپین،فرانس،ملائشیا،ہالینڈ اور ارجنٹائن کوالیفائی کرگئیں۔ایونٹ کے کواٹرفائینلز یکم دسمبر کو کھیلے جائینگے۔بیلجیئم کا مقابلہ میزبان ملک انڈیا سے ہوگا۔جرمنی سپین کے مدمقابل ہوگا۔فرانس سیمی فائینل کی دوڑ میں ملائشیا کے مدمقابل ہوگا۔ہالینڈ ٹیم ارجنٹائن سے کھیلے گی۔