الحمراء نئی نسل کیلئے آرٹسٹ بننے کے بھرپور مواقع فراہم کر رہا ہے: اعجاز احمد منہاس

 لاہور(سپیشل رپورٹر)الحمراء نہ صرف فنون لطیفہ کی ترویج کر رہاہے بلکہ نئی نسل کیلئے آرٹسٹ بننے کے بھرپور موقع بھی فراہم کر رہا ہے، اس حوالے مختلف تہواروں پر مصوری کے مقابلے منعقد کئے جاتے ہیں،جن میں اعلی پوزیشن حاصل کرنے والوں کی حوصلہ افزائی کیلئے انہیں انعامات دیئے جاتے ہیں۔ان خیالات کا اظہار ایگزیکٹوڈائریکٹر الحمراء اعجاز احمد منہاس نے بابا گرو نانک کے 552جنم دن کی مناسبت سے منعقد مقابلہ مصوری میں نمایاں پوزیشن حاصل کرنے والوں کو انعامات دینے کی تقریب میں کیا۔ تقریب کے مہمان خصوصی ننھی آرٹسٹ عائزہ شاہد نے مقابلہ میں نمایاں پوزیشن حاصل کرنے والوں میں نقد انعامات او رسرٹیفیکیٹ تقسیم کئے۔