راولپنڈی(اپنے سٹاف رپورٹر سے) سٹی پولیس آفیسر راولپنڈی اطہر اسماعیل کی زیر صدارت آپریشنل گائیڈ لائنزاور آئی ٹی انیشیٹوزکے لیے پولیس لائنز ہیڈ کوارٹرز میں تربیتی ورکشاپ کا انعقاد کیا گیا، ورکشاپ میں ایس ایس پی آپریشنز رائے مظہر اقبال، ایس پی ہیڈ کوارٹرز زنیرہ اظفر،ڈویژنل ایس پیز،ایس پی سی آئی اے ،ایس ڈی پی او ز، ایس ایچ او ز، چوکی انچارجز سمیت دیگر سینئر پولیس افسران نے شرکت کی،ورکشاپ کا مقصد آپریشنل گائیڈ لائنز، آئی ٹی انیشیٹوز ، بہتر سروس ڈیلیوری ،ٹرانسپر نسی اور پولیس افسران کی کپیسٹی بلڈنگ کو بہتر بنانا ہے،ایس ایس پی آپریشنز نے کہا کہ آپریشنل گائیڈ لائنزاور آئی ٹی انیشیٹوزپر عملدرآمدکر کے چیک اینڈ بیلنس کے سسٹم میں مزید شفافیت لا سکتے ہیں ،ٹریننگ کے بعد پولیس افسران کے ٹیسٹ منعقد کیے جائیں گے تاکہ پولیسنگ میں بہتری لائی جا سکے۔