ایف بی آر میں بھرتی کیلئے ٹیسٹ ، غیر متعلقہ سوالات، امیدوار پریشان

بہاولپور(بیورورپورٹ)  ایف بی آر  میں بھرتی کیلئے ٹیسٹ ، غیر متعلقہ سوالات، امیدوار پریشان ۔ تفصیلات کے مطا بق حال ہی میں ایف بی آر بہاولپور میں ڈیٹا آپریٹر ، یوڈی سی اور اسٹینو ٹائپیسٹ  سکیورٹی گارڈو دیگر کے لیے درخواستیں طلب کی گئیں تھیں جن کے لیے ہزاروں امیدواروں نے درخواستیں جمع کروائیں جن کو ٹیسٹ کے لیے بلایاگیا لیکین غیر متعلقہ سوالات کر کے اکثر امیدواروں کو مسترد کر نے کے لیے تا نے با نے بنے جارہے ہیں۔ مثلاًڈیٹا آپریٹر سے کمپیوٹر ٹیسٹ اورٹا ئیپنگ سپیڈ جانچنے کی بجا ئے ریاضی کے سوالات کیے گئے ۔ذرائع کے مطا بق امیدواروں سے ٹیسٹ لینے کا ڈرامہ کیا گیا ہے بھرتی صرف ان امیدواروں کو کیا جائے گاجن کی سفارش ارکان اسمبلی اورافسران کریں گے ۔ متاثرہ امیدواروں نے ٹو پی ڈرامہ کی مذمت کر تے ہو ئے مطا لبہ کیا ہے کہ بھرتی کے سارے عمل کی مانیٹرنگ کی جائے اور متعلقہ ریکارڈ کی غیر جانبدارانہ انکوئری کر کے حق دار امیدواروکو میرٹ پر بھر تی کیا جائے۔