نوشہرہ ورکاں:گودام سے سینکڑوں کھاد کی بوریاں برآمد، کنٹرول ریٹ پر فروخت

نوشہرہ ورکاں(نامہ نگار) اسسٹنٹ کمشنر نوشہرہ ورکاں عمران صفدر وڑائچ اور  ڈی ڈی او زراعت محمد یوسف کی نگرانی میں محلہ اسلام پورہ میں واقع سیلڈ شدہ  گودام میں پڑی سینکڑوں کھاد کی بوریاں کنٹرول ریٹ 1767 فی بوری میں فروخت کر دی گئیں دیگر افراد کی جانب سے نجی گوداموں میں سٹور کی گئی کھاد کا سراغ لگانے کے لیے حساس ادارے بھی متحرک ہیں اسسٹنٹ کمشنر نوشہرہ ورکاں عمران صفدر وڑائچ نے کہا کہ سٹور کی گئی کھاد کا سراغ لگانے کے لیے مڈ نائٹ آپریشن بھی جاری رہے گا،تحصیل نوشہرہ ورکاں سے کاشتکاروں اور زمینداروں نے یوریا کھاد کی کنٹرول ریٹ پر فراہمی اور انتظامیہ کی جانب سے کئے گئے اقدامات پر اطمینان کا اظہار کیا۔