لاہور، لاہور اے‘ یہاں آ کر ہمیشہ پیار ملا: ثانیہ مرزا

لاہور (سپورٹس رپورٹر) آل رائونڈر شعیب ملک کی اہلیہ بھارتی ٹینس سٹار ثانیہ مرزا نے کہا ہے کہ لاہور، لاہور اے اور یہاں آکر ہمیشہ بہت پیار ملا ہے۔ شعیب ملک اور ثانیہ مرزا لاہور کے نجی مال پہنچے جہاں پرستاروں کی بڑی تعداد نے دونوں سپر سٹارز کا بھرپور استقبال کیا۔ دونوں سٹارز نے پرستاروں میں سوونیئر تقسیم کرنے کیساتھ آٹو گراف بھی دیئے۔ ثانیہ مرزا کا کہنا تھا کہ لاہور، لاہور اے، یہاں آکر ہمیشہ بہت پیار ملا، شادی کے بعد آج پھر سے لاہوریوں نے بھرپور انداز میں ویلکم کیا ہے۔ شعیب ملک نے کہا کہ اپنے چاہنے والوں کے بہت شکر گزار ہیں جنہوں نے ہمیشہ سپورٹ کیا ہے، امید ہے کہ انہیں ہمارا پرفیوم بھی پسند آئیگا۔