لاہور(نامہ نگار)پیپلز پارٹی لاہور کے زیر اہتمام 55ویں یوم تاسیس کی باب پاکستان پر ہونے والی تقریب کی تیاریاں عروج پر پہنچ گئی ہیں۔ پارٹی کے صدر چودھری اسلم گل نے گزشتہ روز مرکزی پنڈال کی جگہ کا دورہ کیا جہاں میزبان ڈسٹرکٹ تھری کے صدر چودھری عاطف رفیق ،عامر نصیر بٹ،اسلم گڑا،چودھری ریاض اور دیگر نے ان کا استقبال کیا۔اس موقع پر اسلم گل نے کہا کہ مرکزی تقریب کے مہمان خصوصی پیپلز پارٹی کے سیکرٹری جنرل اور سابق چیئرمین سینٹ نیئر حسین بخاری ہوںگے۔ وزیر اعظم کے مشیر برائے آزاد کشمیر،گلگت و بلتستان قمر زمان کائرہ،وسطی پنجاب کے جنرل سیکرٹری سیدحسن مرتضی اور ثمینہ گھرکی سمیت اہم مرکزی و صوبائی رہنما تقریب میں شرکت کریں گے۔ تقریب کے دوران چیئرمین بلاول بھٹو زرداری کی تقریر میگا سکرین پر براہ راست دکھائی جائے گی۔ تمام الائڈ ونگز اور جیالوں کی بڑی تعداد شرکت کرے گی۔تقریب میں آتشبازی،گھوڑا ڈانس،جھومر،ڈھول کی تھاپ پر رقص اورپارٹی ترانوں کا بھی اہتمام کیا گیا ہے۔