فیروزوالہ میں لاکھوں کے ڈاکے، 20لاکھ کے موبائل فون بھی لے اڑے 

 فیروزوالہ( نامہ نگار) موٹر سائیکل سوار ڈاکوؤں نے بینکوں سے رقم لے کر آنیوالے تین شہریوں کو گن پوائنٹ پر روک کر لوٹ لیا۔ ڈاکو15لاکھ روپے اور 20 لاکھ روپے مالیت کے قیمتی موبائل چھین کر لے گئے ۔لاہور روڈ  بتی چوک کے قریب موٹرسائیکل  سوارڈاکو ؤں نے بینک سے رقم لے کر آنیوالے شہری حارث ورک کو روک کر لوٹ لیا ۔ڈاکو دس لاکھ روپے کی رقم  اور موبائل چھین کر لے گئے ۔ڈاکوؤں نے کار سوار تنویر حسین کو روک کر لوٹ لیا ۔ڈاکو چار لاکھ روپے کی رقم اور موبائل چھین کر لے گئے ۔لاہور روڈ پر ڈاکوؤں نے گن پوائنٹ پر بینک سے رقم لے کر آنے والے شہری منور حسین کو روک کر لوٹ لیا۔ڈاکو ایک لاکھ روپے کی رقم چھین کر لے گئے ۔ڈاکوؤں نے محمد عظیم کو روک کر لوٹ لیا ۔ڈاکو ڈیڑھ لاکھ روپے کی رقم چھین کر لے گئے ۔نامعلوم افراد نے گن پوائنٹ پر تین افراد سے تین موٹر سائیکل چار موبائل چھین کر فرار ہوگئے۔