رنگ محل ،گارمنٹس دکان میں آتشزدگی لاکھوں کا سامان جل کر تباہ 

لاہور(نامہ نگار) رنگ محل کے علاقے میں گارمنٹس کی دکان میں آتشزدگی سے لاکھوں روپے مالیت کا سامان جل کر تباہ ہو گیا ہے۔ تفصیلات کے مطابق رنگ محل چوک پارکنگ پلازہ کے قریب گارمنٹس کی دکان میں گزشتہ روز پراسرار طور پر آگ لگ گئی۔جس کی زد میں آکر سے لاکھوں روپے مالیت کا سامان جل کر تباہ ہو گیا ہے جبکہ آتشزدگی سے علاقے میں شدید خوف و ہراس پھیل گیا ہے ۔اطلاع ملنے پر ریسکیو ٹیموں نے موقع پر پہنچ کر آگ پر قابو پالیا ہے جبکہ کسی جانی نقصان کی اطلاع نہیں ملی ہے ۔