فیروزوالہ، ٹریفک حادثات میں خاتون سمیت دو افراد جاں بحق،4زخمی 

 فیروزوالہ( نامہ نگار )جی ٹی روڈ پر ٹریفک کے مختلف حادثات میں خاتون سمیت 2 افراد جاں بحق اور 4 افراد زخمی ہوگئے ۔لاہور روڈ کی آبادی منڈیالی کے قریب تیز رفتار بس نے سڑک عبور کرتی خاتون رضیہ کو روند ڈالا جو موقع پر جاں بحق ہو گئی ۔حادثہ کے بعد ڈرائیور فرار ہو گیا۔ فیکٹری ایریا پولیس نے متوفیہ کی نعش قبضے میں لے لی ۔پولیس نے واقعے کا مقدمہ درج کرکے متوفیہ کی نعش ضروری کارروائی کے بعد ورثاء کے حوالے کردی ۔لاہور روڈ پر تیز رفتار ٹرک بے قابو ہو کر رکشہ سے ٹکرا گئی جس کے نتیجے میں رکشہ سوار سات سالہ عائشہ ہلاک اور اس کی والدہ اور بہن زخمی ہو گئی ۔کالا خطائی روڈ پر تیز رفتار دو موٹر سائیکل آپس میں ٹکرا گئی جس کے نتیجے میں 2افراد زخمی ہوگئے۔