راولپنڈی(اپنے سٹاف رپورٹر سے) پاکستان اور انگلینڈ کی کرکٹ ٹیموںکے پریکٹس سیشن اورٹیموں کی سٹیڈیم آمد کے موقع پر پیر کے روز تین ہزار پولیس اہلکار ڈیوٹی پر تعینات کردیئے گئے ریجنل پولیس افسر ناصر محمود ستی ، سی پی او سید شہزاد ندیم بخاری، ایس ایس پی آپریشنز وسیم ریاض خان، ایس پی راول بابر جاوید جوئیہ، ایس پی صدرمحمد نبیل کھوکھر اور یگر سینئر افسران بھی موجودتھے ٹیموں کے روٹ اور سٹیڈیم کے گردونواح میں چھتوں پر ماہر نشانہ باز تعینات کردیئے گئے سی پی او نے انٹری گیٹس، پارکنگ،ملحقہ عمارتوں، روف ٹاپ، مارکیٹس اور دیگر اہم مقامات کی سیکورٹی و دیگر انتظامات کا جائزہ لیا،تمام افسران و اہلکار مستعدی سے الرٹ ڈیوٹی سرانجام دیں گے سی پی او کی ہدایت پرسینئر افسران ڈیوٹی پر مامور افسران کو وقتاً فوقتاً چیک اور بریف کریں اردگرد کے ماحول او رمشکوک افرا د پر کڑی نظر رکھی جائے۔