کلر سیداں (نامہ نگار)تیسرا سعید میموریل فٹبال ٹورنامنٹ موہڑہ دھیال میں اختتام پزیر ہو گیا جس میں تحصیل بھر کی بہترین دس ٹیموں نے حصہ لیا اور ٹورنامنٹ ایک ہفتے تک جاری رہا۔فائنل مقابلہ فالکن فٹبال کلب موہڑہ دھیال اور جواد فٹبال کلب منگال کے درمیان کھیلا گیا میچ کے پہلے ہاف کے شروع ہوتے ہی فالکن کلب کے انیس بھٹی نے گول کر کے اپنی ٹیم کو برتری دلادی مگر میچ کے دوسرے ہاف میں جواد کلب کے ریحان نے گول کرکے میچ برابر کردیا جس کے کوئی ٹیم گول سکور نہ کرسکی اور فیصلہ پینلٹی ککس کے ذریعے ہوا جس میں فالکن کلب موہڑہ دھیال ایک گول کی برتری سے جواد کلب کو شکست دے کر چمپیئن قرار پائی ۔فاتح ٹیم کی قیادت مدثر بھٹی نے کی آصف رفیق بھٹی بہترین کیپر اور محمد علی ٹورنامنٹ کے بہترین سکورر قرار پائے۔