پولانی گروپ کے نئے آفس کا افتتاح

کراچی(کامرس  رپورٹر)پولانی گروپ آف کمپنیز نے ملیر کینٹ کے قریب نئے ہیڈ آفس کا افتتاح کردیا،رنگارنگ تقریب کے دوران آتش بازی کا مظاہرہ بھی کیا گیا۔ملیر کینٹ کے قریب و جناح ایونیو سے متصل پولانی گروپ آف کمپنیز کے ہیڈ آفس کی افتتاح کے مہمان خصوصی معروف بزنس مین و سماجی رہنما چیئرمین ہلٹن فارما سردار یاسین ملک تھے،جنھوں نے چیئر مین پولانی گروپ آف کمپنیز یحییٰ پولانی کے ہمراہ فیتہ کاٹا،اس موقع پر چیف ایگزیکٹیوآفیسرپولانی گروپ صفوان پولانی بھی موجود تھے،تقریب میں سینیٹر حسیب خان،روف صدیقی،شیخ خالدتواب، اختر خان ٹیسوری،عمران خان ٹیسوری،محسن شیخانی،الطاف تائی، عبدالکریم آڈیاسمیت مختلف ممالک کے سفارتکار، صنعتکار، سیاسی و سماجی شخصیات نے شرکت کی،جبکہ دوست ممالک ترکیہ،انڈونیشیا، ملائیشیا سری لنکا،کیمرون کے قونصل جنرلز،امارات ائرلائن سمیت ہوابازی کی صنعت سے تعلق رکھنے والی شخصیات نے شرکت کی،تقریب کے دوران آتشبازی کا شاندار مظاہرہ بھی کیا گیا۔