جمبر (نامہ نگار)حجامہ سنت نبوی طریقہ علاج کے ساتھ دنیا کا تیز ترین علاج بھی ہے ۔ دو سو سے زائد مختلف بیماریوں کا علاج حجامہ سے کامیابی کیساتھ ممکن ہے ۔ جلدی، دماغی، فالج، ہر قسم کے درد اور اعصابی امراض کیلئے حجامہ کامیاب علاج ہے ان خیالات کا اظہار پاکستان طبی کانفرنس مجاہد ونگ کے سربراہ پروفیسر حکیم ڈاکٹر محمد ابوبکر یحییٰ اور پروفیسر ڈاکٹر افتخار احمد بٹ نے مدینہ پنسار سٹور اور قومی دواخانہ کے زیر اہتمام پہلے ایک روزہ ’’فری طبی حجامہ کیمپ ‘‘کے بعد مقامی سینئر صحافیوں سے کیا اس موقع پر پروفیسر داکٹر وقاص ، ڈاکٹر حکیم سجاد احمد ، ڈاکٹر سعیدالحسن نظامی ، حکیم مفتی ندیم اختر نعیمی، حکیم فریدالحسن نظامی ، حکیم نعیم اخترعطاری، حکیم منصور احمد ، حکیم ڈاکٹر اکبر علی ، حکیم کاشف اور حکیم سید ندیم شاہ گیلانی بھی موجود تھے۔