تھنکس گیونگ ویک، امریکہ میں ایک دن میں ہوائی سفر کرنے والوں کا سابقہ ریکارڈ ٹوٹ گیا۔ گزشتہ اتوار امریکی ائیرپورٹس کی تاریخ کا سب سے مصروف ترین دن تھا جب “تھنکس گیونگ ویک” کے موقع پر اتوار 26 نومبر کو ریکارڈ 29 لاکھ7 ہزار 378 مسافروں نے ہوائی سفر کیا۔ جو کہ ٹی ایس اے کے ریکارڈ کے مطابق اب تک ایک دن میں امریکہ میں سفر کرنے والوں کی سب سے بڑی تعداد ہے۔جبکہ گزشتہ سال اسی روز 26 لاکھ مسافروں نے ہوائی سفر کیا تھا۔ امریکی محکمہ ٹرانسپورٹیشن سیکیورٹی ایڈ منسٹریشن (ٹی ایس اے) کی جانب سے جاری کردہ اعداد و شمار کے مطابق تھنکس گیونگ ویک کے دوران 24 نومبر کو 21 لاکھ 99 ہزار 28 مسافروں کی سکرینگ کی گئی۔ اسی طرح 25 نومبر کو 26 لاکھ 5 ہزار 274, 26 نومبر کو 29 لاکھ 7378 جبکہ 27 نومبر کو 26 لاکھ 17 ہزار 331 مسافر ٹی ایس اے کی مشینوں سے گزرے۔