فیروزوالہ(نامہ نگار) جی ٹی روڈ پر ٹریفک حادثات میں نوجوان طالب علم سمیت دو افراد ہلاک تین افراد زخمی ہو گئے ۔ ریلوے سٹیشن شاکر آباد کے قریب ٹرین کی ٹکر لگنے سے 22 سالہ نامعلوم نوجوان ہلاک ہوگیا۔ فیکٹری ایریا پولیس نے متوفی کی نعش قبضہ میں لے کر ضروری  کاروائی کیلئے ہسپتال بھجوا دی۔ پولیس نے نعش کی شناخت کیلئے قریبی آبادیوں کے لوگوں سے رابطہ کیا مگر شناخت نہ ہو سکی۔ کالا خطائی روڈ پر ٹریفک حادثہ میں زخمی ہونے والا فرسٹ ایئر کا طالب علم عادل حسین ہسپتال میں زیر علاج رہنے کے بعد دم توڑ گیا ۔پولیس نے متوفی کی نعش قبضہ میں لے کر ضروری کاروائی کے بعد ورثاء کے حوالے کر دی۔ متوفی سیداں والی کا رہنے والا تھا ۔جی ٹی روڈ پر دو موٹر سائیکلیں ٹکرا گئیں جس  کے نتیجہ میں تین افراد زخمی ہو گئے۔