لاہور(سپورٹس رپورٹر)پاکستان کرکٹ ٹیم کے فاسٹ بائولر نسیم شاہ نے کہا ہے کہ انٹرنیشنل کرکٹ آسان نہیں ہے۔ جب آپ کھیلتے ہیں تو پتہ چلتا ہے کہ انٹرنیشنل کرکٹ میں آنے سے پہلے ان سب چیزوں کا علم ہونا چاہیے۔ کھیل سے آگاہی، فٹنس اور ڈائٹ کا انٹرنیشنل کرکٹ میں آکر پتہ چلتا ہے کہ یہ چیزیں کتنی ضروری ہیں، اگر شروع سے ہی پتہ ہو تو انٹرنیشنل کرکٹ میں آکر آسانی ہوتی ہے۔ انٹرنیشنل کرکٹ میں آنے سے پہلے ہمیں ان چیزوں کا کوئی علم نہیں تھا۔ نوجوان کرکٹرز کیلئے ڈیویلپمنٹ پروگرام کا ہونا اشد ضروری ہے، ڈیولپمنٹ کے پروگرامز سے ہی نوجوان نسل کو سیکھنے کا موقع ملتا ہے۔ ڈیولپمنٹ پروگرامز سے اچھے کرکٹرز سامنے آتے ہیں، مختلف شہروں میں ٹیلنٹ ہے مگر ان کھلاڑیوں کو سہولتیں میسر نہیں ہیں۔