لاہور / اسلام آباد (سٹاف رپورٹر /(احمد احمدانی / نیشن رپورٹ/ قاضی بلال/ ایجنسیاں) سوئی ناردرن لاہور ریجن کی چھاپہ مار ٹیموں نے بدھ کے روز گیس ہالیڈے کے باوجود کھلے رکھنے پر شہر کے16سی این جی سٹےشنوں کے کنکشن منقطع کر دئیے جس پر سٹےشن مالکان نے شدید احتجاج کرتے ہوئے اسے کمپنی کے سیلز ڈیپارٹمنٹ کا شاخسانہ قرار دیا ہے ۔ سوئی ناردرن کی سپیشل ٹاسک فورس نے جی ایم نجیب غازی کی قیادت میں گزشتہ روز ڈائریکٹ بائی پاس لگا کر لاکھوں روپے کی گیس چوری کرنے والے2 سی این جی سٹشنوں ملک سی این جی‘ آئیڈیل سی این جی کے کنکشن کاٹ دئیے۔ آل پاکستان سی این جی ایسوسی ایشن کی کال پر راولپنڈی، اسلام آباد سمیت پوٹھوہار ریجن میں ہڑتال کے سبب سی این جی سٹیشنز بند رہے ۔ ٹرانسپورٹرز نے کرائے بڑھا دیئے جس پر جھگڑے بھی ہوئے دوسری طرف ہڑتال ناکام بنانے کےلئے سرکاری و نیم سرکاری سی این جی سٹیشنز کھلے رہے۔فیصل آباد میں فی کلو 15 روپے سے زائد نرخ وصول کئے گئے۔