پولیس ذرائع کے مطابق آئی نائن اسلام آباد میں واقع دینی مدرسہ اشاعت القرآن کے طالبعلم ویگن میں سوار ہوکرمانسہرہ کے علاقے جبوری جا رہے تھے کہ ہری پور سے نو کلومیٹر دور جی ٹی روڈ پر گاڑی کا پچھلا ٹائرپھٹ گیا جس سے گاڑی بے قابو ہوکر درخت سے جا ٹکرائی۔ گاڑی میں سوار تین بچے موقع پر ہی جاں بحق ہوگئے جبکہ تین اساتذہ سمیت بارہ بچے زخمی ہوئے۔ مقامی افراد اور امدادی ٹیموں نے زخمیوں کو ہسپتال منتقل کیا جہاں ایک اور بچہ زخموں کی تاب نہ لاتے ہوئے دم توڑ گیا۔ جاں بحق ہونے والے بچوں کی میتوں کو انکے آبائی علاقے روانہ کردیا گیا ہے جبکہ زخمیوں میں سے مزید پانچ بچوں کی حالت نازک ہے۔