قومی سلامتی کے منافی خبر ، پرویز رشید سے وزارت اطلاعات کا قلمدان واپس لے لیا گیا

قومی سلامتی سے متعلق خبر کے معاملے پر وزیر اعظم نواز شریف نے پرویز رشید سے وزارت اطلاعات کا قلمدان واپس لے لیا ہے۔ پرویز رشید سے استعفیٰ طلب کر لیا گیا ہے۔ انہیں خبر کے معاملے کی تحقیقات مکمل ہونے تک عہدے سے الگ رہنے کی ہدایت کی گئی ہے۔ ذرائع کے مطابق معاملے کی تحقیقات کیلئے پولیس اور تحقیقاتی ایجنسیوں پر مشتمل اعلیٰ سطح کمیٹی بنائی جا رہی ہے۔ واضح رہے کہ ایک انگریزی اخبار نے قومی سلامتی کے منافی خبر شائع کی تھی۔ ذرائع کے مطابق وزارت داخلہ نے تحقیقات کے دوران کسی حد تک وزارت اطلاعات کے ملوث ہونے کی نشاندہی کی تھی۔