لاہور ( سپورٹس رپورٹر ) پاکستان بلیئرڈ اینڈ سنوکر ایسوسی ایشن سنوکر ورلڈ کپ کیلئے قومی ٹیم کا اعلان رواں ہفتے کرے گی۔ پاکستان بلیئرڈ اینڈ سنوکر ایسوسی ایشن کے ترجمان نوید کپاڈیہ کے مطابق ورلڈ سنوکر کپ آئندہ ماہ نومبر کے تیسرے ہفتے میانمار میں منعقد ہو گا جس میں دنیا بھر سے 52 سے 55 ممالک کی ٹیمیں شرکت کریں گی۔ انہوں نے کہا کہ ورلڈ کپ کیلئے باصلاحیت کھلاڑیوںکا اعلان رواں ہفتے کیا جائے گا۔ واضح رہے کہ ورلڈ سنوکر کپ میں پاکستان کے محمد آصف نے 2012ء میں ٹائٹل جیتا تھا۔