لاہور(سپورٹس رپورٹر) قومی سلیکشن کمیٹی نے پاکستان اور نیوزی لینڈ کی اے ٹیموں کے درمیان دو چار روزہ میچوں کی سیریز کے لیے 14 رکنی پاکستان اے ٹیم کا اعلان کر دیا ہے۔ محمد رضوان اے ٹیم کی قیادت کے فرائض انجام دینگے جبکہ سکواڈ کے دیگر کھلاڑیوں میں سمیع اسلم، شان مسعود، عابد علی، عثمان صلاح الدین، محمد سعد، سعود شکیل، سعد علی، کاشف بھٹی، محمد اصغر، میر حمزہ، وقاص احمد، تاج ولی اور راحت علی شامل ہیں۔ پاکستان اور نیوزی لینڈ کی اے ٹیموں کے درمیان پہلا چار روزہ میچ 30 اکتوبر سے 2 نومبر تک دبئی میں جبکہ سیریز کا دوسرا چار روزہ میچ 6 سے 9 نومبر تک ابوظہبی میں کھیلا جائیگا۔