لاہور(نیوزرپورٹر)مسلم لیگ ن لاہور کے صدر محمد پرویز ملک ،جنرل سیکرٹری خواجہ عمران نذیر نے کہا ہے کہ اورنج لائن ٹرین شہباز شریف کا عوام کے لئے بہترین تحفہ ہے، تحریک انصاف نے اس منصوبے کو رکوانے کی کوشش کی،شہباز شریف نے عوام کی خدمت کی، ان کے منصوبے آج اپنی زبان آپ بول رہے ہیں، اورنج لائن ٹرین میں عام شہری سفر کر رہے ہیں اور شہباز شریف کو دعائیں دے رہے ہیں،حکومت کی ہٹ دھرمی اور سنگ دلی پر افسوس ہے کہ امیروں کیلئے سبسڈی ہے لیکن غریبوں کیلئے نہیں، حکومت چینی پیٹرول آٹا اور ادویات مافیا کو پال سکتی ہے لیکن غریب کو سبسڈی نہیں دے سکتے، عظم شہباز گل بتائیں ایک سو بیس ارب روپے کے بی آر ٹی کے کھڈے کس کے پیسوں سے کھودے گئے،غداری کے پرچے اس لئے بنائے جاتے ہیں کہ کوئی مہنگائی پر بات نہ کریآج ٹماٹر، سبزی، پھل، آٹا سب مہنگا ہو چکا ہے۔ان خیالات کا اظہار انہوں نے گذشتہ روز  ماڈل ٹاؤن میں لیگی رہنماؤں و کارکنوں سے گفتگو کرتے ہوئے کیا۔اس موقع پر سید توصیف شاہ،غزالی سلیم بٹ، چوہدری عبدالمجید چن نمبردار، طارق،نذیر خان سواتی،رانا احسن شرافت سمیت دیگر بھی موجود تھے۔ انہوں نے کہا کہ  تبدیلی کے نام پر ملک میں جو تماشا لگایا گیا اس کا ڈراپ سین کا آغاز ہو چکا۔