اغوائے برائے تاوان کے مختلف واقعات ‘ خاتون سمیت 3 مغوی بازیاب‘ 1ملزم گرفتار 

ملتان ( کرائم رپورٹر ) ایس ایس پی انوسٹی گیشن مہر ربنواز تلہ  نے بتایا کہ  تھانہ نیوملتان کے علاقے چوک قذافی فلائی اوور سے اغوا ہونے والے 35سالہ شعیب ساجد کے والد محمد افضل نے پولیس کو اطلاع دی تھی کہ میرا بیٹا اپنے دوستوں ذیشان ، علی حسنین کے ساتھ خانیوال روڑ سے ویزہ انفارمیشن لینے گیا جس کو قذافی چوک کے قریب چار مسلح ملزمان نے زبردستی اغوا کرکے لے گئے تھے اور بازیابی کیلئے بارہ لاکھ روپے تاوان وصول کیا۔ پولیس نے جدید طریقے سے کارروائی عمل میں لاتے ہوئے مغوی کو پشاور سے بازیاب کروایا۔ جھوک لشکر میں بھی دادی اور پوتی کو اغوا کرنے کا معاملہ سامنے آیا اور ملزمان نے مغویوں کو رہا کرنے کی مد میں تاوان ڈیڑھ کروڑ روپے کی ڈیمانڈ کی تھی، مغویوں کو بازیاب کروانے کے لئے ٹیم تشکیل دیکر ڈیرہ غازیخان سے دادی کنیز اور چودہ سالہ پوتی کو ملزمان کے چنگل سے آزاد کرواکر ایک ملزم اسماعیل کو گرفتار کرلیا گیا۔