بابا گورونانک کے جنم دن کی تقریبات کیلئے حفاظتی انتظامات مکمل کر لیے گئے: خالد محمود ہمدانی

سید والا(نامہ نگار)سکھوں کے روحانی پیشوا بابا گورونانک کے 553 واں جنم دن کی تین روزہ تقریبات کیلئے حفاظتی انتظامات مکمل کر لیے گئے ہیں۔ تقریبات میں شرکت کے لیے آنے والے ملکی اور غیرملکی مہمانوں کی عزت و تکریم اور جان و مال کی حفاظت کے ہماری اولین ذمہ داری ہے یہ بات ڈی پی او ننکانہ خالد محمود ہمدانی نے نوائے وقت سے اپنے دفتر میں گفتگو کرتے ہوئے کہی۔ انہوں نے مزید کہا کہ جنم دن سکھ مت کے ماننے والوں کا سب سے بڑا تہوار ہوتا ہے جس میں دنیا بھر سے سکھ یاتری اور دیگر مذاہب کے لوگ ننکانہ صاحب آتے ہیں۔