جوڈیشل کمشن کا اجلاس یکم نومبر کو طلب  اسلام آباد ہائیکورٹ کے چیف جسٹس کیلئے جسٹس عامر فاروق کے نام پر غور ہوگا

اسلام آباد(خصوصی رپورٹر)چیئرمین جوڈیشل کمیشن,چیف جسٹس عمر عطا بندیال نے چیف جسٹس اسلام آباد ہائی کورٹ کی تقرری کیلئے جوڈیشل کمیشن کا اجلاس یکم نومبر کو طلب کر لیا ہے اجلاس میں اسلام آباد ہائی کورٹ کے چیف جسٹس کیلئے جسٹس عامر فاروق کے نام پر غور کیا جائے گا۔ جسٹس اطہر من اللہ کی بطور سپریم کورٹ جج تقرری کی سفارش کے بعد چیف جسٹس اسلام آباد ہائی کورٹ کا عہدہ خالی ہوگیا ہے۔