آئی جی پنجاب فیصل شاہکار کے ویژن کے مطابق کھلی کچہری 

 مری (نامہ نگار خصوصی) آئی جی پنجاب فیصل شاہکار کے ویژن کے مطابق اور سی پی او راولپنڈی سید شہزاد ندیم بخاری کی ہدایت پرڈی ایس پی و ایس ڈی پی او مری سرکل سردار اظہر محمود اسلم نے چوکی لہتراڑ تھانہ کوٹلی ستیاں میں کھلی کچہری منعقد کی ۔ اس طرح سرکل کوہسار نے تھانہ کوٹلی ستیاں پولیس چوکی لہتراڑ  میں منعقدہ کھلی کچہری  میں شہریوں کے مسائل سنے اور متعلقہ تفتیشی افسران کو ان کے جلد سے جلد حل کے لیے احکامات جاری کیے۔اس موقعہ پر ڈی ایس پی /ایس ڈی پی اومری سرکل کوہسار کا کہنا تھا کہ شہریوں کو ان کی دہلیز پر انصاف کی فراہمی اولین ترجیح ہے۔
 تھانے اور چوکی کی سطح پر شہریوں کے مسائل کے حل کے لئے تمام تر اقدامات اٹھائے جا رہے، سروس ڈیلیوری میں کوتاہی کسی صورت برداشت نہیں کی جائے گی۔اس موقع پر کھلی کچہری میں شامل ہونے والے سائلین نے ان کے مسائل خوش اسلوبی سے سن کر ان کے حل کے لئے فوری اقدامات اٹھانے پر متعلقہ  افسران کا شکریہ ادا کیا۔