اپنی زندگیاں شریعت مصطفیؓ کے تابع کر دیں توسرخرو ہو جائینگے ، ثاقب مصطفا ئی

 گوجرخان (نامہ نگار)اپنی زندگیاں شریعت مصطفیؓ کے تابع کر دیں تو دنیا ، قبر اور حشر میں سرخرو ہو جائیں گے ، صرف ایک دن کا میلاد نہ منائیں بلکہ ساری زندگی میلاد منایا جائے ، سنت مصطفوی پہ عمل پیرا ہونا میلاد منانے کے مترادف ہے ، اپنے دلوں کو نورِ مصطفیؓ سے معطر و منور کرنے کیلئے ہمیں شریعت مطہرہ کے مطابق زندگیاں بسر کرنی ہوں گی ان خیالات کا اظہار عالمی مبلغ اسلام پیرزادہ رضا ثاقب مصطفائی نے گزشتہ روز کونتریلہ میں منعقدہ سالانہ محفل نور بسلسلہ عرس مبارک سے خطاب کرتے ہوئے کیا ، محفل کی صدارت پیر آف گولڑہ شریف سید غلام قطب الحق گیلانی نے کی ، میزبان محفل علامہ قاضی عبدالعزیز چشتی نے مہمانوں کا شکریہ ادا کیا ، محفل سے مفتی محمد حنیف قریشی ، علامہ شیر افضل قادری نے بھی خطاب کیا ، نظامت کے فرائض عبدالستار نیازی نے ادا کئے، تلاوت کلام پاک کی سعادت قاری عبدالباسط صدیقی نے حاصل کی جبکہ بارگاہ رسالت میں نذرانہ عقید ت سید زبیب مسعود نے پیش کیا محفل نور میں علمائے کرام ، مشائخ عظام ، ثنا خوان اور عاشقان مصطفیؓ کی بڑی تعداد نے شرکت کی ، پیر آف گولڑہ شریف سید غلام قطب الحق گیلانی نے محفل کے اختتام پر خصوصی دعا کی۔