آئرلینڈ‘افغانستان‘آسٹریلیا ‘انگلینڈ کے میچ بارش کی نذر

کراچی(اسپورٹس رپورٹر)آئی سی سی مینز ٹی ٹونٹی ورلڈ کپ کے سپر 12 مرحلے کے میچ میں افغانستان اور آئر لینڈ‘آسٹریلیا اور انگلینڈ کے درمیان میچزبارش کے باعث بغیر کسی نتیجے کے ختم ہوگئے ۔ میلبورن میں مسلسل تیز بارش کے باعث افغانستان اور آئرلینڈ کے درمیان میچ بارش کے باعث ختم کر دیا گیا‘ مسلسل بارش کی وجہ سے افغانستان اور آئرلینڈ کے درمیان میچ کا ٹاس بھی نہ ہو سکا،میچ ختم ہونے کے باعث افغانستان اور آئرلینڈ کو ایک ایک پوائنٹ دے دیا گیا۔میلبورن میں ہی کھیلا جانے والاآسٹریلیا اور انگلینڈ کے درمیان میچ بارش کی نذر ہوگیا۔ مسلسل بارش کی وجہ سے اس میچ میں بھی ٹاس تک نہ ہوسکا۔گرائونڈ گیلی ہونے کی وجہ سے امپائرز نے دونوں ٹیموں کو ایک ایک پوائنٹ دیدیا ۔