راولپنڈی(جنرل رپورٹر)چھتری چوک میں ہینو بس کی ٹکر سے سکول وین الٹ گئی ڈرائیور اور5بچے زخمی ہو گئے،ترجمان ریسکیو1122کے مطابق کنٹرول روم میں نزد چھتری چوک، قدیر خان روڈ راولپنڈی میں ایک سکول وین کے حادثے کی اطلاع موصول ہوئی، جس پر ریسکیو 1122 ٹیم موقع پر پہنچی، ہینو بس نے بچوں کی سکو ل وین سمیت 4 مزید گاڑیوں کو ہٹ کیا جس کے نتیجے میں سکول وین اُلٹ گئی اور ڈرائیور39سالہ عبداللہ اور 5 بچے 13سالہ ارما، 11سالہ ہما، 18سالہ فاطمہ ،10سالہ ام حنا اور17سالہ شرجیل معمولی زخمی ہوئے۔
عنصر علی تبدیل، عبدالرحمان خان اے سی صدر راولپنڈی تعینات
راولپنڈی(جنرل رپورٹر)حکومت پنجاب نے اسسٹنٹ کمشنر (صدر) راولپنڈی عنصر علی کو تبدیل کر دیا جبکہ اسسٹنٹ کمشنر (ہیڈ کوراٹر) راولپنڈی عبدالرحمان خان کو اسسٹنٹ کمشنر (صدر) راولپنڈی تعیناتی کا نو ٹیفکیشن جاری کر دیا ہے۔
، عبدالرحمان خان کی اسسٹنٹ کمشنر (صدر) راولپنڈی دوباری تعیناتی پرانجمن پٹواریاں تحصیل راولپنڈی کے سرپرست اعلیٰ خان ظفر محمود خان صدر طاہر محمود وڑائچ، جنرل سیکرٹری ملک جاوید اعوان اوردیگر عہدیداروں نے مبارکباد دی اور نیک خواہشات کا اظہار کیا۔