ماموں کے گھر ڈکیتی کرنےوالی بھانجی ‘ ساتھی سمیت گرفتار

کراچی (نیوز رپورٹر) اجمیر نگری پولیس نے ماموں کے گھر ڈکیتی کرنے والی بھانجی اور اس کے دوست کو گرفتار کرلیا۔ تفصیلات کے مطابق تھانہ اجمیر نگری میں متین نامی شخص نے گھر میں واردات کی ایف آئی آر نمبر 541/2022درج کروائی تھی۔ پولیس نے جائے وقوعہ کا معائنہ کیا تو ابتدائی تفتیش کے دوران معلوم ہوا کہ بھانجی نے اپنے دوست ذیشان کی مدد سے ماموں کے گھر میں ڈکیتی کروائی تھی۔ پولیس نے اپنے ذرائع کا استعمال کرتے ہوئے واردات کروانے والے شخص کو گرفتار کر کے 2 موبائل فونز برآمد کر کے اصل ملزمان کا سراغ لگالیا جو مدعی کی بھانجی نکلی۔ اجمیر نگری پولیس نے مدعی مقدمہ کی بھانجی عائشہ عرف اشو کو گرفتار کرلیا۔ پولیس حکام نے مزید بتایا کہ ماں باپ کو بھی عائشہ کی حرکات مشکوک لگتی تھیں اور انھیں بھی اس پر شک تھا ، گرفتار ملزم ذیشان نے بھی ابتدائی تفتیش میں واردات کا اعتراف کیا۔
ماموں کے گھر ڈکیتی