کشمیر پر بھارت کے غاصبانہ قبضہ کیخلاف صنعت زار وہاڑی کے زیراہتمام ریلی

وہاڑی (نامہ نگار) صنعت زار وہاڑی کے زیر اہتمام کشمیر پر بھارت کے غاصبانہ قبضہ اور مظالم کے خلاف یوم سیاہ کے سلسلہ میں ریلی نکالی گئی۔ ریلی کی قیادت ڈپٹی ڈائریکٹر سوشل ویلفیئر محمد انور نے کی۔ انہوں نے اس موقع پر کہا کہ کہ 75برسوں سے بھارت نے کشمیریوں پر غاصبانہ قبضہ کر رکھا ہے نہتے کشمیریوں کی قربانیاں ضروررنگ لائیں گی۔
 چیئرمین تعلیمی بورڈ کا ایم سی گرلز سکول خانیوال میں امتحانی مرکز کا معائنہ
خانیوال ( نےوز رپورٹر) چےئر مین ثانوی تعلیمی بورڈ ملتان حافظ محمد قاسم نے گو رنمنٹ ایم سی گرلز سکول خانیوال میں امتحانی مرکز کا اچانک دورہ کیا انہوں نے امیدواروں کے لیے کئے جانے والے انتظامات اور سنٹر میں اعلی نظم و ضبط پر ادارے کی پرنسپل میڈم نعیمہ شاہین کی کارکردگی کو سراہا ۔
چیئرمین بورڈ نے کہا کہ امتحانی عملہ کی جانب سے فرائض میں غفلت ہرگز برداشت نہیں کی جائے گی۔