سینیٹر عون عباس بپی سے تحریک انصاف میلسی کے صدر وسیم شیخ کی ملاقات‘ تنظیم سازی پر بریفنگ

میلسی(تحصیل رپورٹر )تحریک انصاف تحصیل میلسی کے صدر وسیم احمد شیخ نے کہا ہے کہ میلسی پی ٹی آئی کا گڑھ ہے اور حقیقی آزادی مارچ میں میلسی کے کارکنوں کی بڑی تعداد شرکت کیلئے تیار ہے ایم این اے ضلعی صدر اورنگزیب خان کھچی کی قیادت میں ایک بڑا جلوس 2 نومبر کو اسلام آباد کیلئے روانہ ہوگا ۔ان خیالات کا اظہار انہوں نے جنوبی پنجاب کے صدر سینٹر عون عباس بپی سے ملاقات کے دوران کیا اور ان کو تحصیل میلسی کی تنظیمی صورتحال پر مکمل بریفنگ دی ملاقات میں عدیل الرحمان آلہ آبادی اور دیگر شریک تھے۔
کوٹ ادو میں غیرقانونی کلینیکل لیبارٹری سیل
کوٹ ادو (خبر نگار) پنجاب ہیلتھ کئیر کمیشن لاہور کی ٹیم نے کوٹ ادو میں کارروائی کرتے ہوئے غیر رجسٹرڈ غیر قانونی کلینیکل لیبارٹری پکڑ لی شہر کے انتہائی بارونق کاروبار مرکز زین پلازہ میں نیو فاطمہ کلینیکل لیب اینڈ ڈیجیٹل محکمہ صحت سے رجسٹرڈنہ تھانان کوالیفائڈ عملہ بلڈ اور یورین کے علاوہ دیگر انتہائی اہم ٹیسٹوں کی غلط رپورٹنگ کرکے انسانی جانوں سے کھلواڑ کر رہا تھامذکورہ لیبارٹری اور ایکسرے سنٹر کو باقاعدہ سیل کردیا ہے۔