لاہور(نامہ نگار) ڈاکوﺅں نے ڈکیتی اور چوری کی متعدد وارداتوں میں شہریوں سے لاکھوں روپے ‘ زیورات، موبائل فون، موٹر سائیکلیں ،گاڑیاں اور دیگرسامان لوٹ لیا۔تفصیلا ت کے مطابق اقبال ٹاو¿ن میں عباس کے گھر گھس کراہلخانہ کو گن پوائنٹ پر یرغمال بنا کر سوا 5 لاکھ ‘ زیورات، موبائل فون اور دیگر سامان، فیصل ٹاو¿ن میں عابد سے 3 لاکھ 25 ہزار اور موبائل فون،کاہنہ میں امجد سے 2 لاکھ 60 ہزار اور موبائل فون، بادامی باغ میں علی سے 2 لاکھ 65 ہزار اورموبائل فون،مانگا منڈی میں جمال سے 2 لاکھ اور موبائل فون،راوی روڈ میں اشفاق سے 40 ہزار اور موبائل فون، غالب مارکیٹ میں عمر سے 31 ہزار اور موبائل فون،مصطفی آباد میں نصیر سے 20 ہزار اور موبائل فون لوٹ لیا اورفرار ہوگئے ہیں۔چوروں نے باٹا پور، ڈیفنس،گجر پورہ اور شمالی چھاو¿نی سے 4 کاریں جبکہ لٹن روڈ، شیراکوٹ، نولکھا، اسلام پورہ، نصیر آباد،کاہنہ، ماڈل ٹاو¿ن ،نشتر کالونی اور نواں کوٹ کے علاقوں میں سے 9 موٹرسائیکل چوری کرلی گئی۔